Mae’r NSPCC wedi lansio ymgyrch newydd Childline, ‘We All Feel It’, sydd yn cynorthwyo pobl ifanc, gwrywaidd yn arbennig, sydd yn cael anhawster yn estyn allan am gymorth iechyd meddwl.

Mae’r ymgyrch yn annog pobl ifanc i ddefnyddio adnoddau Childline ar-lein i ganfod ffyrdd newydd o ymdopi â meddyliau a theimladau, ac i gysylltu â Childline i siarad am yr hyn y maent yn mynd drwyddo.

Mae hefyd yn cynnwys fideo byr yn dangos yr emosiynau y mae dynion ifanc yn eu teimlo yn eu bywydau bob dydd ac yn darparu dolenni i ganllawiau a chymorth perthnasol ar wefan Childline.