Amdanom ni
Rhwydwaith Iechyd Cyhoeddus Cymru
Beth yw Rhwydwaith Iechyd Cyhoeddus Cymru?
Sefydlwyd Rhwydwaith Iechyd Cyhoeddus Cymru yn 2015 ar gyfer gweithwyr proffesiynol sy’n gweithio ar wella iechyd a lles poblogaeth Cymru a chyfunodd bedwar rhwydwaith pwnc-benodol blaenorol a gynhaliwyd gan Iechyd Cyhoeddus Cymru. Bellach mae gan y Rhwydwaith dros 2,400 o aelodau o ystod o sectorau a sefydliadau gan gynnwys y GIG, Awdurdodau Lleol, Llywodraeth Cymru, y byd academaidd, y trydydd sector a’r sector preifat. Mae’r Rhwydwaith yn ymdrin â sbectrwm eang o bynciau gan gynnwys atal mewn gofal iechyd, ymddygiadau sy’n gysylltiedig ag iechyd, lles meddyliol ac mae’n canolbwyntio ar benderfynyddion ehangach iechyd – tai, addysg, cyflogaeth, incwm ac adnoddau a’r amgylchedd.
Beth yw nod ac amcanion y rhwydwaith?
Nod y Rhwydwaith yw hysbysu, hwyluso a chreu cysylltiadau i’r rheini sy’n gweithio yn y sector cyhoeddus, preifat a’r trydydd sector er mwyn gwella iechyd a lles y boblogaeth yng Nghymru.
Cyflawnir hyn trwy:
Rhannu gwybodaeth o ystod amrywiol o safbwyntiau, gan gynnwys polisi, ymchwil ac ymarfer i wella iechyd a lles y boblogaeth.
Hwyluso datblygiad datrysiadau ac ymagweddau i lywio polisi, ymarfer ac ymchwil trwy ddod â safbwyntiau amrywiol ynghyd mewn gofodau creadigol.
Cysylltu aelodau ac adeiladu cymuned i hyrwyddo’r nod cyffredin o wella iechyd a lles y boblogaeth trwy weithredu ar draws cymdeithas.
Helpu pobl o ystod o sectorau i gydnabod eu cyfraniad cyfredol a phosibl at iechyd a lles y boblogaeth.
Pwy sy’n cynnal y Rhwydwaith?
Yr Uned Penderfynyddion Ehangach Iechyd, Cyfarwyddiaeth Iechyd a Lles Iechyd Cyhoeddus Cymru sy’n cynnal y Rhwydwaith.
Cyfarfod â thîm y Rhwydwaith
Catherine Evans
Cydlynydd y Rhwydwaith
Ymunodd Catherine â’r GIG yn 2003 ar ôl graddio o Sefydliad Prifysgol Cymru Caerdydd gyda BSc (Anrh) mewn Astudiaethau Bwyd.
Marie Griffiths
Cydlynydd y Rhwydwaith
Ymunodd Marie â’r GIG yn 2002, gan ddechrau ym maes Hybu Iechyd mewn rôl weinyddol.
Dr Ciarán Humphreys
Ymgynghorydd Iechyd Cyhoeddus
Mae Ciarán yn Ymgynghorydd mewn Meddygaeth Iechyd y Cyhoedd, yn gweithio ym maes anghydraddoldebau iechyd a phenderfynyddion ehangach iechyd.
Jamie Topp
Swyddog Cynnwys Digidol
Ymunodd Jamie â’r tîm ym mis Ionawr 2022, ar ôl gweithio i Dîm Cyfathrebu Iechyd Cyhoeddus Cymru am ddwy flynedd.
Emma Girvan
Uwch Ymarferwr Iechyd Cyhoeddus
Mae Emma wedi gweithio ym maes iechyd o fewn y GIG ers dros 15 mlynedd, ac wedi treulio’r naw mlynedd diwethaf yn gweithio gyda Thîm Iechyd Cyhoeddus Lleol Betsi Cadwaladr fel Uwch Ymarferydd.
Sut mae’r Rhwydwaith yn cael ei lywodraethu?
Sefydlwyd Grŵp Cynghori Rhwydwaith yn 2016 i gynrychioli aelodau’r Rhwydwaith â chylch gwaith i gynghori a chefnogi’r Rhwydwaith i gyflawni ei nodau a’i amcanion ac i gefnogi Iechyd Cyhoeddus Cymru a’i bartneriaid a’i randdeiliaid i gyflawni ‘Lles Cenedlaethau’r Dyfodol yn effeithiol (Deddf Cymru) 2015’ a pholisïau a chynlluniau perthnasol eraill. Cadeirir y Grŵp Cynghori gan Dr Ciáran Humphreys, Ymgynghorydd Iechyd y Cyhoedd (Iechyd Cyhoeddus Cymru) ac mae’n cyfarfod bob chwarter.
Am wybod mwy?
Os ydych chi eisiau gwybod mwy am y Rhwydwaith, os oes gennych syniadau ar ei ddatblygiad neu faes gwaith penodol yr hoffech ei rannu gydag aelodau, cysylltwch â thîm y Rhwydwaith.
Beth yw manteision bod yn aelod o’r Rhwydwaith?
Mynediad cynnar i gynnwys
Eich cysylltu chi ag aelodau sydd â diddordebau tebyg
Rhannu’ch gwaith gyda’r aelodau
Cyfrannu at ein gweminarau
Y gallu i arbed ein cynnwys i’ch cyfrif eich hun
Dilynwch ni ar gyfryngau cymdeithasol i gael y wybodaeth ddiweddaraf am Rhwydwaith Iechyd Cyhoeddus Cymru.
Dilynwch ni ar y Cyfryngau Cymdeithasol