Marie Griffiths
Cydlynydd Rhwydwaith
Ymunodd Marie â’r GIG yn 2002, gan ddechrau ym maes Hybu Iechyd mewn rôl weinyddol.
Yn 2004 cafodd ei secondio o fewn y Gwasanaeth Iechyd Cyhoeddus Cenedlaethol i rôl swyddog prosiect yn cefnogi Positive Steps, cynllun atgyfeirio ymarfer corff cymunedol mewn partneriaeth rhwng y gwasanaethau iechyd, meddygon teulu a’r Awdurdod Lleol. Rhoddodd hyn y cyfle iddi ddatblygu ymhellach ac yn 2007 graddiodd o Brifysgol Metropolitan Abertawe â BA (Anrhydedd) mewn Astudiaethau Iechyd a Chymdeithaseg. Roedd ei hymchwil yn ystod y cyfnod hwn yn seiliedig ar ‘Agweddau tuag at salwch meddwl a’r stigma sy’n gysylltiedig ag ef’.
Cafodd ddyrchafiad yn Nhîm Iechyd Cyhoeddus Abertawe i swydd Rheolwr Swyddfa yn 2008, gan reoli’r tîm gweinyddol a rhoi cefnogaeth i’r Pennaeth Gwasanaeth, yr Arbenigwyr Hybu Iechyd a’r Ymarferwyr Iechyd Cyhoeddus. Roedd y swydd yn eang iawn ei chwmpas ac yn rhoi profiad o weithio gyda chydweithwyr mewn Timau GIG eraill a phartneriaid lleol mewn sefydliadau eraill ar agenda gwella iechyd a lles eang. Mae wedi cefnogi gwaith gwella iechyd lleol ar reoli tybaco, gweithgarwch corfforol, iechyd rhywiol ac iechyd yn y gweithle, sydd oll yn cynnwys cyfleoedd i helpu iechyd a lles meddwl ac emosiynol pobl.
Mae Marie yn ymrwymedig i’r maes hybu iechyd meddwl ac yn canolbwyntio ar ymarfer sy’n seiliedig ar dystiolaeth a gwerth ychwanegol gwaith partneriaeth.
Dechreuodd Marie ei rôl fel Cydlynydd Rhwydwaith Iechyd Meddwl Cymru ym mis Gorffennaf 2010 ac mae bellach yn un o Gydlynwyr Cymru Rhwydwaith Iechyd Cyhoeddus Cymru sydd wedi’i leoli yn yr Uned Penderfynyddion Ehangach Iechyd yn y Gyfarwyddiaeth Iechyd a Lles.
![marie-griffiths-phnc](https://publichealthnetwork.cymru/wp-content/uploads/2021/07/marie-griffiths-phnc-1.jpg)
Darllen mwy
![Catherine Evans](https://publichealthnetwork.cymru/wp-content/uploads/2021/05/catherine-evans-phnc.jpeg)
Catherine Evans
Cydlynydd Rhwydwaith
![Christian Heathcote-Elliott](https://publichealthnetwork.cymru/wp-content/uploads/2021/05/christian-heathcote-phnc.jpeg)
Christian Heathcote-Elliott
Prif Ymarferydd Iechyd y Cyhoedd (Uned Penderfynyddion Ehangach yr Uned Iechyd)
![Dr Ciarán Humphreys](https://publichealthnetwork.cymru/wp-content/uploads/2021/06/Ciaran-Humphreys-1-e1626181851661.jpg)
Dr Ciarán Humphreys
Ymgynghorydd Iechyd Cyhoeddus
![Cerys Preece](https://publichealthnetwork.cymru/wp-content/uploads/2021/09/Cerys-preece-phnc-1.jpg)
Cerys Preece
Uwch Ymarferwr Iechyd Cyhoeddus
![Jamie Topp](https://rhwydwaithiechydcyhoeddus.cymru/wp-content/uploads/2022/01/Jamie-Topp-resized-3.jpg)
Jamie Topp
Swyddog Cynnwys Digidol