Mae iechyd a lles dynol yn agos gysylltiedig â chyflwr yr amgylchedd.  Mae amgylcheddau naturiol o ansawdd da yn darparu nifer o anghenion sylfaenol yn cynnwys aer a dŵr glân, tir ffrwythlon ar gyfer cynhyrchu bwyd, ac ynni a deunydd ar gyfer cynhyrchu nwyddau a gwasanaethau.  Mae seilwaith gwyrdd hefyd yn rheoli’r hinsawdd ac yn atal llifogydd.  Mae mynediad at fannau gwyrdd fel coedwigoedd, parciau a gerddi a mannau glas, yn cynnwys afonydd, camlesi a’r môr, yn darparu cyfleoedd pwysig ar gyfer hamdden ac yn cefnogi lles.  Ar yr un pryd, mae’r amgylchedd yn llwybr pwysig ar gyfer cyswllt dynol ag aer llygredig, sŵn a chemegau peryglus. (Asiantaeth yr Amgylchedd Ewrop, 2021).  Er enghraifft, yng Nghymru, amcangyfrifir bod baich hirdymor cyswllt â llygredd aer gyfwerth â rhwng 1,400 a 1,600 o farwolaethau’r flwyddyn (Iechyd Cyhoeddus Cymru, 2020).