Mae sawl ffactor sydd yn dylanwadu ar iechyd a lles hirdymor y boblogaeth, yn cynnwys natur y lleoedd lle mae pobl yn byw, gweithio, yn dysgu a threulio eu hamser hamdden.  Gall yr amgylchedd adeiledig, yn cynnwys dyluniad adeiladau, strydoedd, parciau a chymdogaethau, gefnogi iechyd a lles da a chyfrannu at leihau anghydraddoldebau iechyd.  Mewn gwrthgyferbyniad, gall amgylcheddau sydd yn canolbwyntio ar geir a mannau cyhoeddus anniogel, gyfrannu at lefelau gweithgaredd corfforol isel ac ynysu cymdeithasol, gan gynyddu risg pobl o iechyd gwael.  (Design Council, 2021).