Mae’r ffordd yr ydym yn cynllunio ac yn adeiladu ein trefi a’n dinasoedd yn diffinio ansawdd ein bywyd ac yn effeithio ar iechyd a lles.  Mae cynllunio yn effeithio ar ansawdd ein gofod byw a thrafnidiaeth ond hefyd ar ansawdd aer a dŵr a mynediad at addysg, cyflogaeth, gwasanaethau gofal iechyd a bwyd maethlon.  Yng Nghymru, trwy ddatblygiad Cynlluniau Datblygu Lleol Awdurdodau Lleol, mae mwy o bwyslais yn cael ei roi nid yn unig ar effeithiau trafnidiaeth, tai, hamdden a datblygiadau economaidd ar yr amgylchedd, ond hefyd ar iechyd y boblogaeth ac anghydraddoldebau iechyd.