Bydd gwella canlyniadau iechyd a llesiant i bawb yn cynyddu cyflogaeth a chynhyrchiant ar draws economi’r DU, ac yn lleihau tlodi plant a thlodi yn nes ymlaen mewn bywyd.  Yn yr un modd, bydd cynyddu cyflogaeth a chyfle am gyflogaeth dda a theg yn cael effaith gadarnhaol ar iechyd a llesiant y boblogaeth ar gyfer y genhedlaeth bresennol a chenedlaethau’r dyfodol.

Roedd 2020 yn flwyddyn ddigynsail ac er bod pandemig COVID-19 yn argyfwng iechyd yn bennaf, mae wedi arwain hefyd at argyfwng economaidd byd-eang.  Mae pandemig COVID-19 wedi cael effaith fawr ar economi’r DU ac arweiniodd 2020 at y dirwasgiad mwyaf i gael ei gofnodi erioed yn y DU.  Mae hyn, yn ei dro, wedi cael effaith sylweddol ar y farchnad lafur.  Mae cyfraddau cyflogaeth wedi gostwng ar draws y DU a disgwylir gostyngiad pellach yn 2021 pan mae cynlluniau cymorth ariannol y Llywodraeth i fod i ddod i ben.  Bydd angen i broses yr adferiad economaidd ganolbwyntio ar greu cyflogaeth.  Er mwyn sicrhau’r adferiad swyddi gorau posibl yn sgîl COVID-19 a’r dirwasgiad y mae wedi ei achosi, bydd angen ystyried nifer ac ansawdd swyddi er mwyn sicrhau canlyniadau iechyd a llesiant da i’r genhedlaeth bresennol a chenedlaethau’r dyfodol.

Mae’r graff isod yn dangos y gyfradd cyflogaeth, (canran y rheiny sydd yn 16-64 oed)
Ffynhonnell: Ystadegau Economaidd Allweddol, 2021, Ystadegau Economaidd Allweddol, Ionawr 2021 (gov.wales)    (Saesneg Yn Unig)