Diogelu plant rhag camdriniaeth sy’n gysylltiedig â diwylliant neu grefydd

Dydd Gwener 5 Tachwedd 2021
With Plant yng Nghymru

Mae Gweithdrefnau Diogelu Cymru (2019) yn nodi y dylai ymarferwyr ymgyfarwyddo â diwylliant a chredoau’r teuluoedd maen nhw’n gweithio gyda nhw.

Wrth feddwl am ddiogelu plant rhag camdriniaeth sy’n gysylltiedig â thraddodiad, diwylliant, crefydd neu ofergoel, mae’n bwysig sicrhau peth dealltwriaeth o sut mae diwylliant a thraddodiad yn dylanwadu ar ymddygiad ac arferion penodol. P’un a ydynt yn byw mewn cymunedau sefydledig neu newydd gyrraedd Cymru, mae cynnal traddodiadau, diwylliant a chrefydd eu cartref yn bwysig, a bydd teuluoedd yn aml yn dymuno trosglwyddo’r gwerthoedd hyn i’w plant. Nid yw cam-drin plant byth yn dderbyniol mewn unrhyw gymuned, unrhyw ddiwylliant, unrhyw grefydd, nac o dan unrhyw amgylchiadau.