Y caiff mwy na £10m ei ddarparu i ymestyn un o raglenni Llywodraeth Cymru sy’n cefnogi dysgwyr sydd dan yr anfantais fwyaf yng Nghymru.

Wrth ymweld ag ysgol gynradd Glan Morfa yng Nghaerdydd, cadarnhaodd y Gweinidog y byddai cyllid cynllun Grant Datblygu Disgyblion – Mynediad yn cael ei ddyblu i gynnwys blynyddoedd ychwanegol yn 2020/21, ac y câi telerau’r grant eu hymestyn i’w gwneud yn bosibl prynu gliniaduron a chyfrifiaduron llechen mewn ymateb i bandemig y coronafeirws.

Bydd y cyllid o £10.3m – cynnydd o £5.1m yn 2019/20 – yn caniatáu i Lywodraeth Cymru ymestyn y cynllun i gefnogi’r rheini ym mlynyddoedd 1, 5, 8, 9 ac 11, ar gyfradd o £125 y dysgwr.