Mae Llywodraeth Cymru wedi cyhoeddi cynllun uchelgeisiol sy’n nodi 26 o gamau gweithredu i gael gwared ar heintiadau HIV newydd, gwella ansawdd bywyd a rhoi terfyn ar stigma erbyn 2030.

Mae cynllun drafft 2023-26, sy’n un o ymrwymiadau’r Rhaglen Lywodraethu, yn nodi ein dull gweithredu ar gyfer atal, profi, gofal clinigol yn y dyfodol, byw’n dda gyda HIV a mynd i’r afael â’r stigma sy’n gysylltiedig ag ef.