Mae bod yn bwysau iach wedi dod yn un o’r ffyrdd mwyaf effeithiol o leihau’r risg o gyflyrau iechyd hirdymor fel diabetes, clefyd y galon a chanserau. Fodd bynnag, yn ein hamgylchedd presennol, mae’n anodd i lawer o bobl gyflawni hyn. Mae’n hamgylchedd bwyd wedi datblygu mewn ffordd sydd yn rhoi blaenoriaeth i gyfleustra dros iechyd, gyda ffocws ar fwydydd cyflym, wedi eu prosesu fydd yn aml yn ddwys o ran egni ac yn uchel mewn braster a/neu siwgr ac yn cael eu hystyried yn fwy fforddiadwy. Yn ogystal, rydym yn treulio mwy o amser yn gwneud gweithgareddau eisteddog oherwydd ein patrymau teithio a mathau o waith sydd yn llai corfforol. Mae lleihau lefelau gordewdra yn her gymhleth, gyda llawer o ffactorau sydd yn gweithredu ar lefelau unigol, cymunedol, cymdeithasol a byd-eang.