Mae Deddf Llesiant Cenedlaethau’r Dyfodol (Cymru) 2015 yn ymwneud â gwella lles cymdeithasol, economaidd, amgylcheddol a diwylliannol Cymru.  Mae’n ei wneud yn ofynnol i gyrff cyhoeddus yn cynnwys Awdurdodau Lleol, Ymddiriedolaethau’r GIG a Gweinidogion Cymru feddwl mwy am yr hirdymor, gan weithio gyda’i gilydd a’r cymunedau y maent yn eu gwasanaethu, gan atal problemau a chael ymagwedd fwy cydgysylltiedig.  Er mwyn sicrhau bod cyrff cyhoeddus yn gweithio tuag at yr un weledigaeth, mae’r Ddeddf yn sefydlu saith nod llesiant:

• Cymru Lewyrchus
• Cymru Gydnerth
• Cymru sy’n Fwy Cyfartal
• Cymru Iachach
• Cymru o Gymunedau Cydlynus
• Cymru â Diwylliant Bywiog lle mae’r Gymraeg yn Ffynnu
• Cymru sy’n Gyfrifol ar Lefel Fyd-eang

Mae’r Ddeddf hefyd yn sefydlu egwyddor datblygu cynaliadwy sy’n ei wneud yn ofynnol bod cyrff cyhoeddus yn gweithio mewn ffordd sy’n bodloni anghenion y genhedlaeth bresennol heb beryglu anghenion cenedlaethau’r dyfodol.  Mae pum ffordd o weithop y mae angen i gyrff cyhoeddus feddwl amdanynt i ddangos eu bod wedi cymhwyso’r egwyddor datblygu cynaliadwy.  Bydd dilyn y ffyrdd hyn o weithop yn ein helpu i gydweithio’n well, osgoi ailadrodd camgymeriadau’r gorffennol  a mynd ‘r afael â rhai o’r heriau hirdymor sy’n ein hwynebu.  Y pum ffordd hyn o weithio yw:

• Yr hirdymor
• Ataliaeth
• Integreiddio
• Cydweithredu
• Cyfranogiad

Mae Comisiynydd Cenedlaethau’r Dyfodol Cymru a’i dîm yn cynorthwyo cyrff cyhoeddus a’r rheiny sydd yn creu polisïau yng Nghymru i ystyried effaith hirdymor y penderfyniadau y maent yn eu gwneud.