Mae pedwar math o bathogen:

• Bacteria – mae’r rhain yn organebau microsgopig, un gell. Mae llawer o facteria yn ddiniwed ond mae rhai yn arwain at heintiau a salwch fel twbercwlosis, salmonela neu golera.
• Feirysau – mae’r rhain yn bathogenau bach iawn sydd yn cynnwys deunydd genetig fel COVID-19, HIV neu hepatitis. Yn wahanol i bathogenau eraill nid oes ganddynt strwythur cymhleth cell ac felly mae angen iddynt fynd i mewn i gelloedd organebau byw eraill er mwyn atgynhyrchu.
• Ffwng – mae’r rhain yn fath o organeb sydd yn cynnwys burumau, llwydni a madarch. Mae llawer yn ddiniwed ond mae rhai yn achosi heintiau ac mewn bodau dynol yn aml yn effeithio ar y croen a philenni lludiog.
• Protistiaid – mae’r rhain yn organebau microsgopig, un gell. Mae rhai protistiaid yn barasitig ac yn byw ar, neu y tu fewn i organeb arall ac yn defnyddio maeth yr organeb i oroesi.  Er enghraifft, mae’r clefyd malaria’n cael ei achosi gan frathiad gan fosgito sydd wedi cael ei heintio gan barasit.

Er gwaethaf hylendid gwell, brechu a chyffuriau gwrthficrobaidd yn arwain at ostyngiad sylweddol ym maich clefydau trosglwyddadwy yng Nghymru a Lloegr, fe wnaeth clefydau heintus gyfrannu at fwy na 5,000 o farwolaethau yn 2019 ac erbyn mis Mawrth 2021, roedd COVID-19 wedi achosi neu gyfrannu at fwy na 140,000 o farwolaethau Swyddfa Ystadegau Gwladol (2021).