Mae tai ac amgylcheddau dan do gwael yn achosi, neu’n cyfrannu at lawer o glefydau ac anafiadau ataliadwy fel clefydau anadlol, y system nerfol a chardiofasgwlaidd a chanser.  Yng Nghymru, amcangyfrifwyd mai’r gost flynyddol i’r GIG am driniaeth oherwydd tai gwael yw £95 miliwn (Iechyd Cyhoeddus Cymru, 2017).

Mae enghreifftiau o risgiau allweddol i iechyd yn ymwneud â thai yn cynnwys: clefydau anadlol a chardiofasgwlaidd yn sgil llygredd aer dan do; salwch a marwolaethau oherwydd tymheredd eithafol; lledaeniad clefydau trosglwyddadwy oherwydd gorboblogi ac amodau byw gwael a risg o anafiadau yn y cartref.  Mae awyru annigonol hefyd yn gysylltiedig â risg uwch o drosglwyddo clefydau heintus yn yr aer, yn cynnwys twbercwlosis, yn ogystal â chrynodiad llygrwyr a lleithder dan do, sydd yn ffactorau yn natblygiad alergeddau ac asthma (Sefydliad Iechyd y Byd, 2021).