Mae’r rhan fwyaf o bobl yn gwella o fewn wythnos o gael eu heintio heb fod angen sylw meddygol arnynt, ond mae rhai grwpiau â risg gynyddol o fod yn anhwylus iawn.  Dylai’r rheiny â mwy o risg gael sylw meddygol ar unwaith os ydynt yn credu bod ganddynt y ffliw, am y gall fod angen meddyginiaethau gwrthfeirysol.

Mae imiwneiddio blynyddol yn un o’r ffyrdd gorau o atal dal neu ledaenu’r ffliw ac fe’i argymhellir ar gyfer y rheiny â mwy o risg (mae hyn yn cynnwys pawb sydd yn 50 oed ac yn hŷn).  Argymhellir yn gryf bod y bobl sydd yn gofalu am unigolion â mwy o risg (yn cynnwys gweithwyr iechyd a gofal cymdeithasol) yn cael eu brechu rhag y ffliw yn flynyddol er mwyn diogelu eu hunain a’r rheiny y maent yn gofalu amdanynt.  Argymhellir brechu plant rhwng 2 ac 16 oed yn flynyddol hefyd (gyda brechlyn chwistrelliad trwynol).

Mae’r ffliw yn lledaenu’n hawdd, yn arbennig mewn amgylcheddau caeëdig, a’r rhan fwyaf o flynyddoedd, ceir achosion mewn cartrefi gofal ac ysbytai.  Mae difrifoldeb y tymor yn newid yn dibynnu ar y math o ffliw sydd yn mynd o gwmpas ac effeithiolrwydd y brechlyn.

Yng Nghymru, mae Iechyd Cyhoeddus Cymru yn arwain rhaglen genedlaethol y ffliw ar ran Llywodraeth Cymru ac, fel rhan o hyn, yn monitro gweithgaredd y ffliw ac ymgymeriad y brechlyn bob blwyddyn.

• Mae adroddiadau wythnosol ar weithgaredd ar gael yma: http://www.wales.nhs.uk/sites3/page.cfm?orgid=457&pid=34338
• Yn ystod pob rhaglen imiwneiddio rhag y ffliw (Hydref – Mawrth fel arfer), ceir crynodeb o ymgymeriad y brechlyn bob wythnos yma: http://nww.immunisation.wales.nhs.uk/ivor (mewnrwyd GIG Cymru yn unig)

Nodir diwedd tymor y ffliw gydag adroddiad blynyddol, sydd yn cynnwys crynodeb epidemiolegol o’r tymor ac mae ar gael yma: http://www.wales.nhs.uk/sites3/page.cfm?orgid=457&pid=55714

Mae mwy o wybodaeth am raglen flynyddol y ffliw yng Nghymru ar gael yma:

http://nww.immunisation.wales.nhs.uk/flu-influenza (mewnrwyd GIG Cymru)

Ffliw – Iechyd Cyhoeddus Cymru (gig.cymru)