Gyda diabetes math 1, nid yw’r corff yn gwneud unrhyw inswlin.  Mae’r math yma o ddiabetes fel arfer yn dechrau mewn plentyndod ond gall ddigwydd yn nes ymlaen mewn bywyd.  Gyda diabetes math 2, mae’r corff naill ai’n gallu cynhyrchu digon o inswlin neu nid yw’r inswlin y mae’n ei gynhyrchu yn ddigon.  Mae diabetes math 1 a math 2 yn gyflyrau peryglus sydd angen gofal a hunanreolaeth effeithiol i osgoi cymhlethdodau yn cynnwys niwed nerfol, problemau’r llygaid a phroblemau’r arennau.

Yng Nghymru yn 2020, roedd dros 209,000 o bobl 18 oed ac yn hŷn yn byw gyda diabetes ac mae gan tua 90% o’r bobl hyn ddiabetes math 2.  Mae amcangyfrifon hefyd yn awgrymu bod gan dros 65,000 o bobl yng Nghymru ddiabetes math 2 ond heb gael diagnosis.  Gellid atal neu oedi dros hanner yr holl achosion o ddiabetes math 2.  Mae pwysau iach, bod yn egnïol yn gorfforol a bwyta deiet cytbwys yn gallu lleihau’r risg o ddatblygu diabetes math 2 ac maent hefyd yn bwysig yn rheoli’r cyflwr.

Addaswyd o Diabetes UK, 2021