Mae seilwaith trafnidiaeth yn chwarae rôl arwyddocaol yn llunio ein hamgylchoedd sydd, yn ei dro, yn gallu cael effaith sylweddol ar ein hiechyd a lleihau anghydraddoldebau.  Dylai system drafnidiaeth iach a chynaliadwy: gefnogi strydoedd a mannau diogel sy’n gyfeillgar i’r gymuned, dylai fod yn effeithlon ac yn hygyrch, lleihau effaith niweidiol ar yr amgylchedd a galluogi cerdded, beicio a’r defnydd o drafnidiaeth gyhoeddus (Y Sefydliad Iechyd, 2018).  Gydag 20 miliwn o oedolion yn y DU yn segur yn gorfforol, gan gyfrannu at un mewn chwech o farwolaethau yn y DU, gall teithio llesol helpu pobl i ymgorffori gweithgaredd corfforol i’w trefn ddyddiol, lleihau ynysu cymdeithasol a gwella llesiant cyffredinol.

Yng Nghymru, mae Deddf Teithio Llesol (Cymru) 2013 yn ei wneud yn ofynnol i bob awdurdod lleol gefnogi a gwella cynllunio a buddsoddi mewn teithio llesol yng Nghymru.