Mae rhywedd yn wahanol i ryw sydd wedi ei bennu i rywun ar eu genedigaeth, gwrywaidd neu fenywaidd fel arfer, ac mae’n ymwneud ag agweddau biolegol unigolyn sydd wedi eu pennu gan eu hanatomeg.  Mae hunaniaeth o ran rhywedd yn wahanol i ryw a rhywedd ac mae’n cyfeirio at gysyniad personol unigolyn am eu rhywedd a’r ffordd y maent yn teimlo y tu mewn.  Mae rhywedd bellach yn cael ei gydnabod fel continwwm yn hytrach nag yn ddeuaidd gyda nifer gynyddol o bobl yn nodi eu bod rhywle ar hyd y continwwm neu’n anneuaidd (ddim yn nodi eu bod yn wrywaidd nac yn fenywaidd). (Y Swyddfa Ystadegau Gwladol, 2019).

Mae rhywedd yn creu anghydraddoldeb sydd yn cyfuno gyda chategoreiddio cymdeithasol arall fel ethnigrwydd, anabledd, oed, cyfeiriadedd rhywiol a statws economaidd-gymdeithasol i ddarparu systemau gwahaniaethau, anfantais neu fraint sydd yn gorgyffwrdd.  Cyfeirir at hyn fel rhyngblethedd.