Mae’n cael ei hyrwyddo yn aml fel gwaith hyblyg, ac mae hynny’n aml yn nodwedd ohono, ond mae fel arfer yn ansefydlog, yn anniogel, yn talu’n wael, heb ddiogelwch yn aml.  Gall y mathau hyn o gyflogaeth ansicr fod yn niweidiol i iechyd a lles meddwl a chorfforol gweithwyr, sydd yn ei dro yn effeithio ar eu perfformiad yn y gwaith.

Mae ymchwil yn dangos bod gwaith ansicr yn fwy cyffredin ymysg pobl iau a phobl hŷn.  Mae gweithwyr iau hefyd yn fwy tebygol na’r genhedlaeth hŷn i dderbyn gwaith ansicr yn y lle cyntaf.  Mae hyn yn awgrymu angen am bolisïau ac ymyriadau yn targedu pobl ifanc a’u cyfleoedd cyflogaeth.

Mae pandemig COVID-19 a’i gyfyngiadau cysylltiedig yn debygol o effeithio ar gymdeithas, yr economi a’r farchnad lafur am beth amser i ddod ac mae gwaith ansicr yn debygol o gynyddu.  Gall cyflogwyr fod yn llai tebygol o benodi’n barhaol a gallai gweithwyr fod angen gwaith yn ddifrifol ac yn barod i dderbyn swydd llai cadarn nag y byddent wedi gwneud fel arall.  Mae tystiolaeth yn dangos bod dirwasgiadau blaenorol wedi arwain at gynnydd mewn gwaith ansicr ac roedd nifer y cyflogeion ar gontractau dim oriau eisoes yn cynyddu cyn y pandemig o 2019-2020.

Source: An intergenerational Audit, 2020, Intergenerational-audit-2020.pdf (resolutionfoundation.org) (Saesneg Yn Unig )