Yn ddiweddar, cyhoeddodd Iechyd Cyhoeddus Cymru adroddiad ar gyfer Grŵp Cydlynu Adeiladu Cymru Iachach, o’r enw Cysylltiadau Gwell, Canlyniadau Gwell ar gyfer Tlodi Plant. Rhannodd y weminar hon y canfyddiadau allweddol a’r argymhellion o’r adroddiad, a chyflwynodd offeryn hunanasesu ymarferol y gall unrhyw un ei ddefnyddio i gryfhau cydweithio ar unrhyw bwnc.

Mae lleihau tlodi plant – a’i effaith ar iechyd a llesiant – yn gofyn am weithio cydgysylltiedig yn yr hirdymor ar draws sawl sector yng Nghymru.  Fodd bynnag, rydym yn gwybod y gall cydweithio effeithiol fod yn heriol yn ymarferol. Nod y gwaith hwn oedd deall beth sy’n helpu cydweithio i ddigwydd, a pha gefnogaeth sydd ei hangen ar lefelau lleol, rhanbarthol a chenedlaethol.

Yn 2025, fe wnaethom adolygu tystiolaeth bresennol i nodi’r nodweddion sefydliadol a system sy’n cefnogi gweithio’n dda mewn partneriaeth. Yna fe wnaethom archwilio a yw’r nodweddion hyn yn bresennol mewn partneriaethau tlodi plant presennol ledled Cymru, trwy arolwg a chyfweliadau â phartneriaid o amrywiaeth o sectorau.

Rhannodd y weminar hwn enghreifftiau o arfer cydweithredol cryf sydd eisoes yn digwydd ledled Cymru, yn ogystal â’r camau gweithredu – yn enwedig ar lefel genedlaethol – a allai helpu i gryfhau a chynnal gweithio mewn partneriaeth leol a rhanbarthol yn y dyfodol.

Canlyniadau Dysgu:

• Deall nodweddion allweddol cydweithio rhwng sectorau effeithiol
• Nodi cryfderau a meysydd i’w gwella yn eich partneriaethau cydweithredol eich hun gan ddefnyddio’r offeryn hunanasesu
• Rhoi camau gweithredu ac argymhellion ymarferol ar waith i gryfhau cydweithrediadau