Ynglŷn â'r digwyddiad hwn

Mae ymddygiad yn chwarae rhan allweddol mewn gwella iechyd a llesiant. Mae nodi a deall ymddygiadau a ffactorau sy’n dylanwadu arnynt, a’r ffordd orau o fynd i’r afael â’r ffactorau hyn yn hanfodol i gyflawni uchelgeisiau polisi ac arfer iechyd y cyhoedd. Bydd y weminar hon yn archwilio rôl hanfodol ymddygiadau wrth wella iechyd a llesiant Cymru, yn archwilio’r hyn a olygwn wrth ymddygiad ac yn ystyried yr ystod o ffactorau sy’n dylanwadu ar ymddygiad gan ddefnyddio modelau a fframweithiau sy’n seiliedig ar dystiolaeth.

Deilliannau Dysgu

• Gwell dealltwriaeth o rôl ymddygiadau a gwyddor ymddygiad ym maes iechyd y cyhoedd
• Mwy o ymwybyddiaeth o’r ystod o benderfynyddion ymddygiadol a’u pwysigrwydd fel meysydd ffocws ar gyfer gweithredu iechyd y cyhoedd
• Gwybodaeth am fframweithiau damcaniaethol y gellir eu defnyddio i nodi penderfynyddion ymddygiadol ar gyfer gweithredu ym maes iechyd y cyhoedd
• Wedi ystyried ffyrdd y gallech chi gynnwys gwyddor ymddygiad yn eich gweithredoedd ar gyfer gwell iechyd
• Mwy o wybodaeth am yr Uned Gwyddor Ymddygiad a sut i gael mwy o gefnogaeth i’ch ymdrechion i gynyddu’r defnydd o wyddor ymddygiad yn eich gwaith