Fel llawer o ddarparwyr chwaraeon a gweithgaredd corfforol eraill, anogodd pandemig Coronafeirws Chwaraeon Deillion Prydain (BBS) i addasu eu gwasanaethau ac archwilio byd dosbarthiadau ymarfer corff ar-lein. Mae sesiynau sain BBS, a ddatblygwyd mewn cydweithrediad â darparwyr cynhwysol, wedi helpu pobl ddall a rhannol ddall i fod yn actif o’u cartrefi yn ystod y pandemig ac wedi parhau i gael eu mwynhau gan bobl ar hyd a lled y byd. Mae gan y sianel YouTube dros 100 o fideos gweithgaredd corfforol ar alw mewn amrywiaeth o ddulliau.

Mae’r sesiynau ymarfer corff wedi bod mor boblogaidd, mae’r BBS wedi penderfynu parhau i’w cynnig ar y cyd â’r hyn y maent yn ei gyflwyno’n rheolaidd ac maent wedi lansio’r rhaglen Actif yn y Cartref yn 2022 i annog mwy o bobl ddall a rhannol ddall i fod yn actif.