Cyhoeddodd y grŵp llywio adroddiad a gyhoeddwyd ym mis Hydref 2021 a’i nod yw codi proffil a statws nyrsio a bydwreigiaeth ymhellach yn genedlaethol ac yn rhyngwladol.

Mae Nursing Now yn rhaglen Ymddiriedolaeth Burdett, sydd yn gweithio mewn cydweithrediad â WHO a Chyngor Rhyngwladol y Nyrsys, gyda’r nod o godi statws a phroffil nyrsio yn fyd-eang.  Nod yr ymgyrch yw cael:

• Mwy o fuddsoddiad yn gwella addysg, datblygiad proffesiynol, safonau, rheoleiddio ac amodau cyflogaeth ar gyfer nyrsys.
• Mwy o ledaenu ymarfer effeithiol ac arloesol mewn nyrsio a gwneud hynny’n well.
• Mwy o ddylanwad i nyrsys a bydwragedd ar bolisi iechyd byd-eang a chenedlaethol, fel rhan o ymdrechion ehangach i sicrhau bod gweithluoedd iechyd yn fwy cysylltiedig â gwneud penderfyniadau.
• Mwy o nyrsys mewn swyddi arwain a mwy o gyfleoedd ar gyfer datblygiad ar bob lefel.
• Mwy o dystiolaeth ar gyfer gwneuthurwyr polisïau a phenderfyniadau yn ymwneud â: ble gall nyrsio gael yr effaith fwyaf, beth sydd yn atal nyrsys rhag cyrraedd eu potensial llawn a sut i fynd i’r afael â’r rhwystrau hyn.

Mae’r grŵp wedi cynnal momentwm ac wedi mynegi dymuniad unfrydol i barhau i weithio’n gydweithredol trwy’r grŵp llywio hwn ac i adlewyrchu ar y ffordd yr ydym eisiau mynd ymlaen a chael mwy o effaith a dylanwad trwy’r hyn yr ydym wedi ei ddysgu hyd yn hyn.  Am fwy o wybodaeth cysylltwch â [email protected]