Ynglŷn â'r digwyddiad hwn

Mae cefnogi rheoli pwysau ôl-enedigol yn faes pwysig ac mae llawer o gyfleoedd i gefnogi menywod a theuluoedd yn y cyfnod hwn o fywyd. Ymunwch â ni am ddigwyddiad craff sy’n canolbwyntio ar iechyd a llesiant ôl-enedigol lle byddwn yn archwilio pwysigrwydd cefnogi rheoli pwysau ôl-enedigol, beth sydd angen ei wneud i ddarparu’r gefnogaeth hon, a beth all y camau nesaf ar gyfer gwneud hyn ei olygu.

Byddwn yn archwilio’r angen i ddatblygu’r sylfaen dystiolaeth, yn trafod persbectif gwyddor ymddygiad ac yn ystyried y camau nesaf ar gyfer datblygu polisi ac ymarfer i gefnogi iechyd a llesiant ôl-enedigol.

Canlyniadau Dysgu:

• Deall yr angen am gymorth ar gyfer iechyd a llesiant ôl-enedigol gan gynnwys rheoli pwysau ac atal gordewdra.
• Deall yr angen i ddatblygu’r sylfaen dystiolaeth ynghylch cefnogi rheoli pwysau ôl-enedigol.
• Cydnabod bod angen camau gweithredu o safbwynt gwyddor ymddygiad i gefnogi rheoli pwysau ôl-enedigol.
• Ystyried barn pobl yng Nghymru ynghylch cefnogi rheoli pwysau ôl-enedigol.
• Ystyried y camau nesaf ar gyfer datblygu polisi ac arfer yng Nghymru i gefnogi iechyd a llesiant ôl-enedigol, gan gynnwys rheoli pwysau ac atal gordewdra.