Amgylchedd Bwyd Ysgolion yn Helpu i Lunio Dyfodol Iachach: Rhannu Dysgu o Dystiolaeth i Ysgogi Gweithredu

Dydd Iau 25 Medi 2025
With Rhwydwaith Iechyd Cyhoeddus Cymru

Ydych chi wedi meddwl tybed beth mae’r dystiolaeth ddiweddaraf yn ei ddweud am y rôl y gall bwyd ysgol ei chwarae wrth lunio iechyd a lles plentyn?  A sut, y gallwn ni yng Nghymru, wneud y mwyaf o gyfleoedd yn amgylchedd bwyd ysgolion er budd iechyd a lles y boblogaeth nawr ac yn y dyfodol?

Mae’r weminar amserol hon yn cyd-daro ag ymgynghoriad gan Lywodraeth Cymru, sef ‘Bwyta ac yfed yn iach mewn ysgolion a gynhelir yng Nghymru’.

Rhoddodd y weminar drosolwg o’r effaith bosibl y mae’r amgylchedd bwyd ysgol yn ei chael ar iechyd a lles plant, oedolion a chymdeithas, gan ddisgrifio safbwyntiau ar rai o’r heriau a’r cyfleoedd wrth greu amgylcheddau bwyd ysgol iachach.

Roedd yn cwmpasu:

• Safbwynt maeth iechyd y cyhoedd ar y safonau bwyd a maeth wedi’u diweddaru arfaethedig
• Sut i lunio dulliau ysgol gyfan tuag at fwyd a maeth
• Pwysigrwydd cynnwys plant, teuluoedd a gweithwyr proffesiynol sydd â rôl i’w chwarae mewn amgylcheddau bwyd ysgolion
• Ffyrdd o wella gweithredu a monitro i gefnogi amgylcheddau bwyd iachach mewn ysgolion.

Canlyniadau Dysgu:

• Rhoi trosolwg o effaith bosibl amgylchedd bwyd yr ysgol ar iechyd a lles plant yn y tymor byr, canolig a hir.
• Gwella gwybodaeth am y cyfle y mae’r ymgynghoriad ‘Bwyta ac yfed yn iach mewn ysgolion a gynhelir yng Nghymru’ yn ei gynnig, yn cynnwys adlewyrchu’r dystiolaeth wyddonol ddiweddaraf ar faeth ac iechyd.
• Rhannu dealltwriaeth o’r heriau a’r datrysiadau posibl sy’n gysylltiedig â chreu amgylcheddau bwyd iach mewn ysgolion.
• Clywed enghreifftiau ymarferol o rai o’r gwahanol ddulliau sy’n cael eu datblygu yng Nghymru i wella iechyd a lles drwy amgylchedd bwyd ysgolion.
• Gwybod sut i gael gafael ar wybodaeth bellach.